Tərtərli kümçülər barama tədarükünə başlayıblar
Tərtər, 7 iyun, AZƏRTAC
Tərtər rayonunda barama tədarükünə başlanılıb. Mövsümün ilk günlərində kümçülərin yetişdirdikləri 1905 kiloqram məhsul “AZ SİLK” MMC-nin nümayəndələri tərəfindən qəbul edilib.
AZƏRTAC-ın bölgə müxbiri xəbər verir ki, bu il rayon kümçülərinə 300 qutu ipəkqurdu toxumu paylanıb. Yemləmə zamanı mövcud tut ağacları ilə yanaşı, yeni əkilən ağacların yarpağından da istifadə edilib. Tərtər kümçüləri artıq bir ay ərzində çəkdikləri zəhmətin bəhrəsini görürlər. Bu il rayon üzrə 12 ton barama istehsalı proqnozlaşdırılır.
Qeyd edək ki, 2016-cı ildə 1 ton, barama istehsal olunmuşdusa, 2023-cü ildə bu rəqəm 14,8 tona qədər qalxıb.
Bölmənin digər xəbərləri
