TİKİNTİ-QURAŞDIRMA İŞLƏRİNƏ QOYULAN SƏRMAYƏ 66,4 FAİZ ARTMIŞDIR

24.09.2004 [12:01]
Çap et
A⁺ A^-

Cari ilin yanvar-avqust aylarında bütün maliyyə mənbələri hesabına ölkə iqtisadiyyatının inkişafı üçün əsas kapitala 15589 milyard manat və ya əvvəlki ilin müvafiq dövrü ilə müqayisədə 48 faiz çox sərmayə yönəldilmişdir.

Dövlət Statistika Komitəsindən AZƏRTAC-a bildirmişlər ki, ümumi sərmayədən tikinti-quraşdırma işlərinə istifadə edilmiş məbləğin həcmi 2003-cü ilin eyni dövrü ilə müqayisədə 66,4 faiz artaraq 7286,4 milyard manat olmuşdur. İstehsal təyinatlı obyektlərin inşasında sərmayənin həcmi 14404,8 milyard manat (ümumi sərmayənin 92,4 faizi), qeyri-istehsal təyinatlı obyektlərin tikintisində isə 1184,2 milyard manat olmuşdur.

İstifadə edilmiş bütün sərmayədə xarici sərmayənin xüsusi çəkisi 82,8 faiz və ya 12900,2 milyard manat təşkil etmişdir.