TİKİNTİNİN MAYA DƏYƏRİ ARTMIŞDIR
“MBA Konsaltinq” şirkətindən AZƏRTAC-a bildirmişlər ki, may ayında mənzillərin hər kvadratmetr yaşayış sahəsinin ilkin və təkrar mənzil bazarında orta qiyməti müvafiq olaraq 0,6 və 0,2 faiz artmışdır. Mənzillərin otaqlar üzrə orta təklif qiymətləri təxminən bərabər olmuşdur.
Qiymətlərin intensiv artımı cari ilin əvvəlindən tikintinin maya dəyərini 12,1 faiz artırmışdır. Bu artımın 8,4 faizi tikinti materiallarının, 3,7 faizi isə digər xərclərin payına düşmüşdür.
Yanvar-may aylarında tikintisi aparılan binalarda 1 otaqlı mənzillərin orta sahə göstəricisi 58,4 kvadratmetr, 2 otaqlılarınkı 92,3 kvadratmetr, 3 otaqlılarınkı 137,6 kvadratmetr, 4 otaqlılarınkı 179 kvadratmetr, 5 otaqlılarınkı isə 157,9 kvadratmetr təşkil etmişdir.
Bölmənin digər xəbərləri
