Tofiq Rəsulov: Bəzi şəbəkələrin bir kvadratmetrinin hazırlanması iki-üç ay çəkir
Şəki, 20 oktyabr, AZƏRTAC
Şəbəkə sənəti çətin sahədir, burada səbir və həvəs mütləqdir. Bir pəncərənin hazırlanması ornamentlərin mürəkkəbliyindən asılı olaraq uzun vaxt aparır.
Bu sözləri AZƏRTAC-a açıqlamasında şəbəkə ustası Tofiq Rəsulov deyib.
O qeyd edib ki, bəzi şəbəkələrin bir kvadratmetrinin hazırlanması iki-üç ay çəkir.
48 ildir bu sənətlə məşğul olduğunu diqqətə çatdıran usta deyib: “Oğullarım da sənətimi davam etdirirlər. Hazırda emalatxanamda altı şagird var və onların hamısı Şəki sakinləridir. Bu sənətə maraq böyükdür, lakin onun incəliklərinə yiyələnmək üçün həndəsə elmini bilmək vacibdir. Təxminən 10 il əvvəl bu sənətə tələbat daha çox idi. Xüsusilə xırda şəbəkələrin hazırlanması böyük zəhmət tələb edir”.
Müxbir - Fidan Əlizadə
Bölmənin digər xəbərləri
