“Tor” filmində çəkilən məşhur amerikalı aktyor intihar edib
Bakı, 20 may, AZƏRTAC
“Breaking Bad” kinoserialında çəkilən amerikalı aktyor İsaak Kappi Arizonada özünü körpüdən ataraq həyatına son qoyub.
AZƏRTAC xəbər verir ki, özünü atarkən aktyorun gətirdiyi arqument “Mən heç yaxşı adam deyildim” olub.
Məlumatda bildirilir ki, İsaak Kappi adlı şəxs özünü körpüdən atdıqdan sonra maşın tərəfindən vurulub və yerindəcə dünyasını dəyişib. Özünü atmazdan öncə yoldan keçənlər onu fikrindən döndərməyə çalışsalar da hadisənin qarşısını ala bilməyiblər.
Dövlət orqanları hadisənin intihar olduğunu təsdiqlədikdən sonra istintaqı bağlayıblar.
İntihardan bir neçə saat öncə İ.Kappi instagram səhifəsində öz xarakteri ilə bağlı bəzi etiraflar edib. Onun yazdığına görə spirtli içkilərdən, narkotikdən istifadə edib və öz yaxınlarını aldadıb.
Bölmənin digər xəbərləri
