Tovuz rayonunun Dondar Quşçu kəndində ev yanıb
Bakı, 23 fevral, AZƏRTAC
Tovuz rayonunun Dondar Quşçu kəndində ümumi sahəsi 130 kvadratmetr olan birmərtəbəli, üç otaq və aynabənddən ibarət evdə yanğın baş verib.
Fövqəladə Hallar Nazirliyinin (FHN) mətbuat xidmətindən AZƏRTAC-a bildiriblər ki, hadisə nəticəsində evin bir otağı və döşəmə yanıb. Evin qalan hissəsi yanğından mühafizə olunub.
Goranboy rayonunun Borsunlu kəndində “Toyota” markalı minik avtomobili yanıb. Yol kənarındakı kommunikasiya xətləri yanğından mühafizə olunub.
Hər iki hadisə zamanı alov yanğından mühafizə bölmələri tərəfindən söndürülüb.
Bölmənin digər xəbərləri
