Tovuzda 9 min 600 hektardan artıq sahəyə kənd təsərrüfatı bitkiləri əkilib
Tovuz, 9 may, Rauf Hacıyev, AZƏRTAC
İqtisadiyyatının əsasını kənd təsərrüfatının müxtəlif sahələrinin təşkil etdiyi Tovuz rayonunda bitkiçiliyin həm ənənəvi, həm də qeyri-ənənəvi sahələrinə maraq ildən-ilə artmaqdadır.
Rayon icra hakimiyyətindən AZƏRTAC-ın bölgə müxbirinə bildirilib ki, bu il 1 may tarixinə olan məlumata əsasən, Tovuzda 9 min 606 hektarda əkin işləri aparılıb.
Qeyd edilib ki, bu vaxtadək sahələrə 6 min 148 hektar kartof, 1141 hektar tərəvəz, 179 hektar yonca, 917 hektar dən üçün qarğıdalı, 13 hektar bostan bitkiləri, 2 hektar dən üçün günəbaxan, 1196 hektar şəkər çuğunduru və 10 hektar tütün əkilib.
Keçən ilin müvafiq dövrünə nisbətən rayonda kənd təsərrüfatı məhsullarının istehsalında 5 faiz artım qeydə alınıb.
Bölmənin digər xəbərləri
