Tovuzda evdən 15 min manat dəyərində qızıl-zinət əşyaları oğurlanıb
Bakı, 27 avqust, AZƏRTAC
Tovuz və Ağcabədi rayonlarında oğurluq edən şəxslər tutulublar.
Daxili İşlər Nazirliyinin mətbuat xidmətindən AZƏRTAC-a bildiriblər ki, Tovuz rayonu ərazisindəki evlərin birindən 15 min manat dəyərində qızıl-zinət əşyaları oğurlamaqda şübhəli bilinən İbrahimhacılı kəndinin sakinləri E.Bağırov və A.Məhərrəmov polis əməkdaşlarının keçirdikləri əməliyyat tədbirləri nəticəsində saxlanılıblar.
Ağcabədi Rayon Polis Şöbəsinin əməkdaşları isə rayon ərazisindəki evlərin birindən 900 manat dəyərində məişət əşyaları oğurlamaqda şübhəli bilinən E.Rəhimovu yaxalayıblar.
Hər iki faktla bağlı araşdırma aparılır.
Bölmənin digər xəbərləri
