TRANSQAZAXISTAN DƏMİRYOL MAGİSTRALI ÇƏKİLƏCƏK
AZƏRTAC-ın xüsusi müxbiri Almatıdan xəbər verir: Qazaxıstanın nəqliyyat və kommunikasiya naziri Kajmurad Naqmanov jurnalistlərlə görüşündə bildirmişdir ki, onun ölkəsi TransQazaxıstan dəmiryol magistralı çəkməyi nəzərdə tutur. O demişdir: “Bu magistral Qazaxıstan -Çin sərhədi, Türkmənistan, İran və Türkiyə ərazisindən keçəcək. Türkiyədə Van gölündən yan keçən dəmiryol xətti də çəkiləcək”. Nazirin sözlərinə görə, layihəni Qazaxıstan tərəfi maliyyələşdirəcək. İndi Türkmənistan tərəfi ilə danışıqlar aparılır. Danışıqlardan sonra tikintinin real müddəti haqqında dəqiq söz demək olar.
K. Nuqmanov qeyd etmişdir ki, dəmir yolunun uzunluğu 4 min kilometr, layihənin qiyməti isə 4 milyard dollardır.
Bölmənin digər xəbərləri
