Triyest limanının prezidenti: Bakı Limanının regional haba çevrilməsi üçün böyük imkanları var
Bakı, 10 may, AZƏRTAC
Bakı Limanının regional haba çevrilməsi üçün böyük imkanları var.
AZƏRTAC xəbər verir ki, bu sözləri Bakıda keçirilən Dünya Limanlar Konfransı (IAPH Baku 2018) çərçivəsində mayın 10-da təşkil olunan logistik hablara həsr olunan sessiyada İtaliyanın Triyest limanının prezidenti Zeno d`Agostino deyib. O bildirib ki, Bakı Beynəlxalq Dəniz Ticarət Limanı özünün coğrafi mövqeyinin unikal imkanlarından istifadə edərək regional miqyaslı haba çevrilə bilər.
Limanların logistik hab olması üçün onun coğrafi mövqeyinin əhəmiyyətli olduğunu deyən Zeno d`Agostino bildirib: “Bakı bu baxımdan lazımi imkanlara malikdir. Bakı Limanı ticarət qovşaqlarının və marşrutlarının kəsişməsində yerləşir və bu unikal imkanlardan istifadə edilməlidir. Regional miqyaslı hab olmaq üçün isə müxtəlif limanlar ilə inteqrasiyanın qurulması lazımdır”.
Bölmənin digər xəbərləri
