Kişi voleybolçulardan ibarət Azərbaycan millisi Avropa Liqasında növbəti oyuna çıxır
Bakı, 12 iyun, AZƏRTAC
Bu gün kişi voleybolçulardan ibarət Azərbaycan millisi Avropa Liqasında növbəti oyununu keçirəcək.
AZƏRTAC xəbər verir ki, Boris Qrebennikovun baş məşqçisi olduğu kollektiv Rumıniya mərhələsində ilk turunda ev sahibi ölkənin yığması ilə üz-üzə gələcək. Mioveni şəhərində təşkil olunacaq qarşılaşma saat 20:00-da start götürəcək.
Azərbaycan yığmasının növbəti matçı İspaniyaya qarşı olacaq.
Qeyd edək ki, millimiz Avropa Liqasının İsveçdə təşkil olunan mərhələsində yerli komandaya və Yunanıstana 0:3 hesabı ilə uduzub.
Bölmənin digər xəbərləri
