“Turan” klubu “Simurq”u məğlub etmiş, “Gəncə”-“Qəbələ” oyununda hesab açılmamışdır
Bakı, 12 may (AZƏRTAC). Mayın 12-də futbol üzrə Unibank Premyer Liqasının 31-ci turu çərçivəsində növbəti oyunlar keçirilmişdir.
AZƏRTAC xəbər verir ki, Tovuz şəhər stadionunda yerli “Turan” komandası Zaqatalanın “Simurq” klubunu qəbul etmişdir. Gərgin idman mübarizəsi şəraitində keçən oyun 2:1 hesabı ilə Tovuz futbolçularının xeyrinə başa çatmışdır. Hakim Ceyhun Haşımovun idarə etdiyi oyunda qolları “Turan”ın heyətində Vurğun Hüseynov, Muammer Erdoğdu, rəqib komandadan isə Qafar Qafarov vurmuşlar.
Gəncə şəhər stadionunda “Gəncə”-“Qəbələ” klublarının qarşılaşması keçirilmiş və oyunda hesab açılmamışdır.
Bölmənin digər xəbərləri
