TÜRK RƏSSAMININ SƏRGİSİ
Türkiyənin ölkəmizdəki səfirliyi və Azərbaycan Rəssamlar İttifaqı iyunun 24-də V.Səmədova adına Sərgi salonunda türk rəssamı xanım Didem Üstünün “EBRU” sənətinə dair əsərlərindən ibarət sərgisini təşkil etmişlər.
Sərgini Azərbaycan Rəssamlar İttifaqının sədri Fərhad Xəlilov açaraq, Didem Üstünü təbrik etdi və ona uğurlar arzuladı. Türkiyənin Azərbaycandakı fövqəladə və səlahiyyətli səfiri Əhməd Ünal Çeviköz çıxışında ölkələrimiz arasındakı dostluq və qardaşlıq əlaqələrindən danışdı, sərgi barədə təəssüratını söylədi.
“EBRU” sənəti Türkiyədə kitab nəşrində geniş tətbiq olunur. Bu üsuldan istifadə edən rəssamlar dərin qaba tökülmüş suya istədiyi boyaları səpməklə müxtəlif rənglər alır.
70-dək əsərin nümayiş etdirildiyi sərgi iyunun 26-da başa çatacaqdır.
Bölmənin digər xəbərləri
