Türkiyə beşinci nəsil döyüş təyyarələri istehsal edəcək
Ankara, 10 may, AZƏRTAC
Türkiyənin TUSAŞ şirkəti (Aviasiya və Kosmos Sənayesi A.Ş.) milli döyüş təyyarəsi istehsal etmək istiqamətində fəaliyyətini genişləndirib. Bunun üçün təyyarənin ehtiyat hissələrini və mühüm avadanlıqlarının istehsalı ilə məşğul olan qurumlarla əməkdaşlıq ediləcək.
AZƏRTAC Anadolu agentliyinə istinadla xəbər verir ki, Türkiyədə milli döyüş təyyarəsinin istehsalı 2030-cu ilə planlaşdırılıb. Bildirilir ki, bu sahədə ASELSAN şirkətinin (Elektronik Sənaye və Ticarət A.Ş.) imkanlarından istifadə olunacaq. Bu istiqamətdə cari ildə TUSAŞ və ASELSAN arasında anlaşma imzalanacağı gözlənilir. Qeyd edilir ki, Türkiyə tam elektron sistemlərlə təchiz olunacaq 5-ci nəsil hərbi döyük təyyarəsi düzəldən ölkələr arasında yer alacaq.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
