TÜRKİYƏ BİZNESMENLƏRİNİN ERMƏNİSTANA SƏFƏRİ
Avqustun 16-da Türkiyənin nüfuzlu və çoxtirajlı “Hürriyyət” qəzetində milliyyətcə erməni olan jurnalist Gila Benmayarın “İğdırlıların Yerevan səfəri” adlı analitik məqaləsi dərc edilmişdir. Məqalədə bildirilir ki, “Türkiyə-Ermənistan iqtisadi əməkdaşlıq komissiyasının sədr müavini, erməni əsilli Noyan Soyak və İğdır Sənaye və Ticarət Palatasının sədri Təyyar Oralın təşəbbüsü ilə təxminən 40 nəfər yerli türk iş adamı Ermənistana dəvət olunmuşdur. Avqustun 17-də başlayan səfər zamanı türk iş iadamları Yerevan Ticarət Palatasının sədri, Türkiyə-Ermənistan iqtisadi əməkdaşlıq komissiyasının həmsədri Armen Qazaryan ilə görüşüb gələcək işbirliyinin perspektivlərini müzakirə edəcəklər.
İğdır Sənaye və Ticarət Palatasının Naxçıvan və İrana ixracatı 240 milyon dollardır. Noyan Soyak bunun çox kiçik bir rəqəm, Ermənistan bazarının isə perspektivli olduğunu vurğulamışdır.
Məqalədə deyilir ki, Türkiyə-Ermənistan iqtisadi əməkdaşlıq komissiyası Ərzurum və Qarsda nümayəndəliklərini açmışdır.
Erməni əsilli müəllif iğdırlı iş adamlarının Ermənistana səfərini bölgə iqtisadiyyatı üçün vacib bir addım kimi dəyərləndirərək, Türkiyə-Ermənistan iqtisadi əməkdaşlıq komissiyasının bundan sonra da bir çox əhəmiyyətli tədbirlər görəcəyini bildirir.
Tural Rzayev
AZƏRTAC-ın xüsusi müxbiri
Ankara
Bölmənin digər xəbərləri
