TÜRKİYƏ BMT TƏHLÜKƏSİZLİK ŞURASINA QƏBUL OLUNMASINDA TƏKİD EDİR
Türkiyə xarici siyasət idarəsinin başçısı vurğulamışdır ki, onun ölkəsi İslam dünyası ilə Qərb ölkələri arasında, bir növ, körpüdür. O xatırlatmışdır ki, Türkiyə müxtəlif ölkələrdə sülhyaratma əməliyyatlarında iştirak etmiş, fələstinlilərə və Sudanın Darfur əyalətinin sakinlərinə humanitar yardım göstərmiş, Yaxın Şərqdə sabitliyə nail olmaq üçün səylərini əsirgəməmişdir.
A.Gül ümidvar olduğunu bildirmişdir ki, bütün bunlar BMT Baş Məclisini Türkiyəyə 2009-2010-cu illər dövründə Təhlükəsizlik Şurasının müvəqqəti üzvü statusu verilməsi barədə onun xahişini dəstəkləməyə inandıracaqdır.
O ki qaldı BMT TŞ-nin daimi üzvlərinin sayına, bu barədə də mübahisələr gedir. Məsələn, İtaliya TŞ-nin daimi üzvləri sayının artırılmasının əleyhinədir. İtaliya XİN-in başçısı Franko Frattini hesab edir ki, daimi üzvlərin sayının artırılması “BMT TŞ-nin daxilində yaranan çətinlikləri nəinki aradan qaldırmayacaq, əksinə, təfriqə salacaqdır”. Onun narahatlığı əsassız deyildir. Çünki əgər Almaniyaya BMT TŞ-nin daimi üzvü statusu verilsə, İtaliya Avropanın qərbində belə statusa malik olmayan yeganə iri dövlət olacaqdır.
Xatırladaq ki, BMT TŞ-nin beş daimi üzvü var. Bunlar Rusiya, ABŞ, Böyük Britaniya, Fransa və Çindir. Onlar Təhlükəsizlik Şurası üzvlərinin əksəriyyəti tərəfindən bəyənilmiş hər hansı qərara veto qoymaq hüququna malikdirlər.
