TÜRKİYƏ FƏLƏSTİNLİLƏRƏ BİR MİLYON DOLLARLIQ ƏRZAQ VƏ DAVA-DƏRMAN GÖNDƏRƏCƏK
AZƏRTAC-ın Ankaradan aldığı xəbərə görə, Türkiyə hökuməti ağır vəziyyətdə yaşayan Fələstin xalqına kömək məqsədi ilə muxtariyyətə 1 milyon dollarlıq ərzaq və dava-dərman göndərmək barədə qərar qəbul etmişdir. Bunu Türkiyənin xarici işlər naziri Abdullah Gül iyulun 27-də yayılmış bəyanatında bildirmişdir.
Yardım 1300 tondan çox ərzaq, dava-dərman, tibb avadanlığı, o cümlədən təcili yardım maşınlarından ibarətdir. Bütün bunlar dəmir yolu ilə Suriya ərazisindən İordaniyaya, oradan avtomobillərlə Fələstin ərazilərinə aparılacaqdır.
Fələstinlilərə ilk humanitar yardım karvanı bu həftə göndəriləcəkdir.
