Türkiyə ilə Azərbaycan birgə strategiyalar əsasında yüksək texnologiyalar sahəsində layihələr həyata keçirə bilərlər
Bakı, 8 iyun, Xatirə Cəfərova, AZƏRTAC
Azərbaycan son illər texnologiyaların inkişafına əhəmiyyətli sərmayə yatırımları həyata keçirib. Ölkədə bu sahədə infrastruktur təkmilləşdirilir. Türkiyədə də son illər dövlət tərəfindən texnologiyalar sahəsinə böyük dəstək göstərilib. Artıq Türkiyə yeni texnologiyalar istehsal edən və ixrac edən ölkəyə çevrilir.
Bu barədə Türkiyənin Azərbaycandakı səfiri İsmail Alper Coşkun “Rabitə dünyası” qəzetinə müsahibəsində bildirib.
Səfir hesab edir ki, Türkiyə ilə Azərbaycan yüksək texnologiyalar sahəsinin inkişafında birgə strategiyalar əsasında yeni layihələr həyata keçirə bilərlər. Bu ölkələrdə peyk texnologiyalarının, eyni zamanda irimiqyaslı yüksək texnologiyaların tətbiqi mümkündür. Hər iki ölkənin özünəməxsus şəbəkələri, texnologiyaları, peykləri ola bilər, lakin bir çox istiqamətdə ortaq hədəflər, maraqlar da var.
Bölmənin digər xəbərləri
