Türkiyə ilə Gürcüstan arasında Sarp gömrük-keçid məntəqəsi fəaliyyətini bərpa edib
Ankara, 1 iyun, AZƏRTAC
Türkiyə ilə Gürcüstan arasındakı Sarp gömrük-keçid məntəqəsi fəaliyyətini bərpa edib.
AZƏRTAC Türkiyə mediasına istinadla xəbər verir ki, bu gömrük-keçid məntəqəsindən qarşılıqlı istiqamətdə hərəkət üçün yeni növ koronavirus (COVID-19) infeksiyasına qarşı iki doza peyvəndin vurulmasını təsdiq edən sənəd və yaxud COVID-19 virusuna qarşı testin neqativ cavabı tələb olunur.
Qeyd edək ki, Sarp gömrük-keçid məntəqəsi koronavirus pandemiyası səbəbindən keçən il martın 20-dən bağlanıb. Ötən müddətdə Sarp gömrük-keçid məntəqəsindən yalnız ağır tonnajlı yük maşınları hərəkət ediblər.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
