Türkiyə ilə Misir arasında diplomatik gərginlik yaranmışdır

23.11.2013 [19:06]
Çap et
A⁺ A^-

İstanbul, 23 noyabr (AZƏRTAC). Türkiyə rəsmilərinin Misirdə baş verən proseslərə dair sərt bəyanatlarına cavab olaraq rəsmi Qahirə radikal addım atmışdır. Misir Xarici İşlər Nazirliyi Türkiyə ilə diplomatik əlaqələrin səviyyəsini azaltmaq qərarı qəbul etmiş və Ankaradakı səfirini geri çağırmışdır.

Öz növbəsində Türkiyə Xarici İşlər Nazirliyi də bəyanat verərək, Misirə qarşı müvafiq diplomatik tədbirlərin görüləcəyini açıqlamışdır. Türkiyənin bu ölkədəki səfiri Hüseyn Avni Botsalı isə Misir üçün dua etdiyini, burada demokratiyanın davamının bütün dünya üçün mühüm əhəmiyyət daşıdığını bildirmişdir.

Türkiyə Baş nazirinin müavini Bəkir Bozdağ jurnalistlərə demişdir ki, Ankaranın Misirdəki hərbi çevrilişlə bağlı mövqeyi dəyişməz qalır.

Oqtay Bayramov

AZƏRTAC-ın xüsusi müxbiri

İstanbul