TÜRKİYƏ İRAQIN YENİ HÖKUMƏTİNİ DƏSTƏKLƏYƏCƏK
AZƏRTAC-ın xüsusi müxbiri xəbər verir ki, Türkiyə Baş nazirinin müavini, xarici işlər naziri Abdullah Gül İraqla qonşu ölkələrin xarici işlər nazirlərinin İranda keçiriləcək toplantısında iştirak etmək üçün Tehrana yola düşərkən, Esenboğa hava limanında jurnalistlərə müsahibəsində rəsmi Ankaranın İraqın yeni hökumətini dəstəkləyəcəyini bəyan etmişdir. O, habelə, İsraillə Fələstin arasında gərginliyin atmasını bütün dünya üçün təhlükə adlandırmış, Təl-Əvivdən bir gündə 30 fələstinlinin ölümünə səbəb olan hərbi əməliyyatların dərhal dayandırılmasını istəmişdir. Abdullah Gül beynəlxalq ictimaiyyəti də silahlı münaqişənin dayandırılması üçün daha fəal olmağa çağırmışdır.
Abdullah Gülün Tehranda İranın nüvə proqramı ilə bağlı böhranı aradan qaldırmaq məqsədi ilə Milli Təhlükəsizlik Şurasının baş katibi Əli Laricani ilə görüşəcəyi də bildirilir.
Bölmənin digər xəbərləri
