Türkiyə Superliqası: "Qalatasaray" doğma meydanda çətin qələbə qazanıb
Bakı, 30 sentyabr, AZƏRTAC
Futbol üzrə Türkiyə Superliqasında VII turun oyunları davam edir.
AZƏRTAC xəbər verir ki, günün son matçında "Qalatasaray" doğma meydanda "Ankaragücü" qəbul edib və əzmkar qələbə qazanıb - 2:1.
Matçda ilk qolu 49-cu dəqiqədə qonaqların heyətində Renaldo Gepas vurub. 56-cı dəqiqədə Vilfrid Zaha hesabı bərabərləşdirib. 70-ci dəqiqədə isə Hayrullah Bilazer avtoqol müəllifi olub.
Bu qələbə ilə xallarını 19-a çatdıran "Qalatasaray" liderliyə yüksəlib. Altı xalı olan "Ankaragücü" isə 15-cidir.
Günün digər oyunlarında aşağıdakı nəticələr qeydə alınıb:
Türkiyə Superliqası
VII tur
"Sivasspor" - "Hatayspor" - 0:0
"İstanbulspor" - "Antalyaspor" - 1:2
"Trabzonspor" - "Pendikspor" - 2:1
Bölmənin digər xəbərləri
