Türkiyə Superliqası: “Yeni Malatyaspor” öz meydanında “Ankaragücü”nə məğlub olub
Bakı, 8 fevral, AZƏRTAC
Fevralın 7-də Türkiyə Superliqasının XXI turunun birinci qarşılaşmasında “Yeni Malatyaspor” doğma meydanda “Ankaragücü”nə minimal hesabla məğlub olub.
AZƏRTAC xəbər verir ki, oyunda yeganə qolu 66-cı dəqiqədə Ankara təmsilçisinin hücumçusu Dever Orgil vurub.
Bu oyundan başqa, turda “Konyaspor”-“Denizlispor”, “Beşiktaş”-“Qaziantep”, “Gənclərbirliyi”-“Trabzonspor”, “Fənərbağça”-“Alanyaspor”, “Kayserispor”-“Antalyaspor”, “Sivasspor”-“Başakşəhər”, “Kasımpaşa”-“Qalatasaray” və “Göztəpə”-“Rizəspor” matçları keçiriləcək.
Türkiyə çempionatında hazırda turnir cədvəlinə 41 xalla “Sivasspor” klubu liderlik edir. “Başakşəhər” 39 xalla ikinci pillədədir. İlk üçlüyü 38 xalla “Trabzonspor” qapayır.
Bölmənin digər xəbərləri
