Türkiyə xeyriyyəçiləri Pakistanın şərqində 50-dən çox su quyusu istifadəyə veriblər
İslamabad, 13 iyul, AZƏRTAC
Türkiyənin “PAMDER” qeyri hökumət təşkilatı Pakistanın şərqindəki Muzaffarqarx şəhəri yaxınlığında 50-dən çox su quyusu qazıb.
AZƏRTAC Pakistan mətbuatına istinadla xəbər verir ki, bununla da regionda yaşayan əhali içməli su ilə təmin olunub.
“PAMDER” təşkilatının nümayəndəsi bildirib ki, layihə Türkiyə xeyriyyəçilərinin maliyyəsi ilə həyata keçirilib və bu iş Pakistanın digər regionlarında da davam etdiriləcək.
Qeyd edək ki, “PAMDER” təşkilatını Pakistan universitetlərində təhsil alan türkiyəli tələbələr təsis ediblər.
Qulu Kəngərli
AZƏRTAC-ın xüsusi müxbiri
İslamabad
Bölmənin digər xəbərləri
