TÜRKİYƏDƏ “ERGENEKON” TƏHQİQATI İLƏ BAĞLI İDDİANAMƏ MƏHKƏMƏYƏ TƏQDİM OLUNMUŞDUR
AZƏRTAC-ın xüsusi müxbiri xəbər verir ki, Türkiyədə böyük mübahisələr doğuran və bir çox cinayətlərdə ittiham olunan “Ergenekon” adlı dəstənin işi üzrə təhqiqatların yekununa dair hazırlanmış iddianamə iyulun 14-də məhkəməyə təqdim olunmuşdur.
Bu barədə mətbuata açıqlama verən İstanbul prokuroru Aykut Çengiz Engin iddianamənin böyük bir qisminin tamamlandığını və 13-cü ağır cinayət işləri üzrə məhkəməyə göndərildiyini demişdir. 2455 səhifəlik iddianaməyə əsasən, 48-i həbsdə və 38-i azadlıqda olmaqla ümumilikdə, 86 nəfər dövlət çevrilişi və digər cinayətlərdə ittiham olunur. Onların arasında istefada olan 3 general, siyasətçilər, iş adamları, jurnalistlər vardır.
Bölmənin digər xəbərləri
