Türkiyənin Mərmərə bölgəsində zəlzələ baş verib
Bakı, 20 dekabr, AZƏRTAC
Dekabrın 20-də səhər saatlarında Türkiyənin Mərmərə bölgəsində zəlzələ baş verib.
AZƏRTAC Türkiyə KİV-lərinə istinadla xəbər verir ki, yerli vaxtla 09:45-də episentri Mərmərə bölgəsindəki Yalova vilayətinin Çınarcıq rayonunda olmaqla 4,5 bal gücündə zəlzələ baş verib. Boğaziçi Universitetinin Kandilli Rəsədxanasından verilən məlumata görə, 7 kilometr dərinlikdə baş verən yeraltı təkanlar qonşu İstanbul və Bursa vilayətlərində də hiss edilib.
Dağıntılar və tələfat barədə məlumat verilmir.
Daha bir zəlzələ Egey dənizinin Yunanıstan ərazisinə aid olan hissəsində baş verib. 33 kilometr dərinlikdə və 4,3 bal gücündə olan bu yeraltı təkanlar Türkiyə sahillərində də hiss olunub.
Bölmənin digər xəbərləri
