UEFA Avropa Liqasının finalının Bakıda keçirilməsi Azərbaycan futbolunun uğurudur
Bakı, 4 mart, AZƏRTAC
“Bakı 2019: Ulduzlar Finalı” adlı qarşılaşma çox maraqlı keçdi. Bu kampaniyanın bir hissəsi olmaqdan çox məmnunam.
AZƏRTAC xəbər verir ki, bu sözləri martın 4-də AFFA-nın hesabat konfransında iştirak edən polşalı veteran futbolçu Yeju Dudek jurnalistlərə müsahibəsində deyib.
Sabiq qapıçı bildirib ki, UEFA Avropa Liqasının finalının təşkili hər bir ölkə üçün mühüm hadisədir. Bunu Azərbaycan futbolunun uğuru kimi qəbul etmək olar. Həm “Çelsi”nin, həm də digər ingilis klublarının finalda iştirak etmək üçün çox yaxşı şansları var.
Sabiq komandası “Liverpul”un cari mövsümdə çempionluq şansını dəyərləndirən Y.Dudek bildirib: “Komanda uzun müddət sonra çempionluq üçün yaxşı imkan əldə edib. Doğrudur, dünən xal itirdi. Amma düşünürəm ki, qarşıda bu itkini sığortalamaq üçün hələ çox oyun var. Mövsümün əsas hissəsi hələ indi başlayır. Bu komandaya çox böyük inamım var”.
Bölmənin digər xəbərləri
