UEFA KUBOKU TURNİRİNDƏ “QALATASARAY” FRANSA KLUBU İLƏ QARŞILAŞACAQDIR
AZƏRTAC xəbər verir ki, dekabrın 19-da İsveçrənin Nyon şəhərində futbol üzrə UEFA kuboku turnirinin on altıdabir və səkkizdəbir final mərhələlərinin püşkü atılmışdır.
Bu mərhələdə Türkiyənin yeganə təmsilçisi “Qalatasaray” Fransanın “Bordo” klubu ilə qarşılaşacaqdır.
İlk oyunu 2009-cu il fevralın 18 və ya 19-da Bordo şəhərində keçirəcək “Qalatasaray” cavab görüşündə rəqibini fevralın 26-da İstanbulda qəbul edəcəkdir.
Fransalı rəqibinə qalib gələcəyi halda “Qalatasaray” səkkizdəbir final mərhələsində “NEK” (Hollandiya) - “Hamburq” (Almaniya) cütlüyünün qalibi ilə görüşəcəkdir.
Bölmənin digər xəbərləri
