UFC-də debüt edəcək döyüşçü: Məqsədim Azərbaycanı layiqincə təmsil etməkdir
Bakı, 15 may, AZƏRTAC
Yarışa hazırlıq yaxşı səviyyədə gedir.
AZƏRTAC xəbər verir ki, bu sözləri Azərbaycanın MMA döyüşçüsü Fərman Həsənov Mütləq Döyüş Çempionatının (UFC) Bakıda təşkil olunacaq turnirinə hazırlığı ilə bağlı danışarkən deyib.
O, Mayamidə təlim-məşq toplanışı keçdiyini bildirib: "Döyüşə üç həftə qalmış hazırlıq Bakıda olacaq. İlk dəfə mənə UFC-də iştirak təklifi gələndə çox sevindim. Mənim üçün sürpriz oldu. Bu döyüşə hazır olduğumu düşünürəm. Məqsədim Azərbaycanı layiqincə təmsil etməkdir. İnanıram ki, rəqibimi məğlub edəcəyəm".
Qeyd edək ki, UFC-də debüt edəcək Fərman Həsənov Bakıdakı döyüş gecəsində yarımorta çəkidə ABŞ təmsilçisi Erik Nolanla üz-üzə gələcək. Turnir iyunun 27-də Milli Gimnastika Arenasında gerçəkləşəcək.
Müxbir - Cavid Əliyev
Fotoqraf - Səfiyar Məcnun
Bölmənin digər xəbərləri
