UKRAYNA BAŞ NAZİRİNİN BİRİNCİ MÜAVİNİ BAKIYA GƏLMİŞDİR
Ukrayna baş nazirinin birinci müavini Oleq Dubina başda olmaqla bu ölkənin nümayəndə heyəti iqtisadi əməkdaşlıq üzrə Azərbaycan-Ukrayna hökumətlərarası komissiyasının növbəti iclasında iştirak etmək üçün avqustun 29-da Bakıya gəlmişdir.
Binə hava limanında Ukrayna nümayəndə heyətini baş nazirin birinci müavini Abbas Abbasov, Azərbaycanın Ukraynadakı səfiri Tələt Əliyev, Ukraynanın ölkəmizdəki səfiri Boris Aleksenko, digər rəsmi şəxslər qarşılamışlar.
Ukrayna nümayəndə heyətinin rəhbəri Oleq Dubina qısa müsahibəsində bildirmişdir ki, ölkələrimiz arasında dostluq münasibətləri mövcuddur və birgə əməkdaşlıq siyasi, iqtisadi və mədəni əlaqələrin daha da inkişaf etməsinə kömək göstərir. Ukrayna və Azərbaycan GUÖAM-ın üzvüdürlər və bu beynəlxalq təşkilatda əməkdaşlığa böyük əhəmiyyət verirlər.
Bölmənin digər xəbərləri
