UKRAYNA BOKSÇUSU WBA VERSİYASI ÜZRƏ QİTƏLƏRARASI ÇEMPİON KƏMƏRİNİ QORUYUB SAXLAMIŞDIR
Kiyev, 22 oktyabr (AZƏRTAC). Ukrayna Milli İnformasiya Agentliyinin verdiyi xəbərə görə, Ukrayna idmançısı Vyaçeslav Uzelkov Çexiya boksçusu Tomas Adamekə nokautla qalib gələrək, yarımağır çəkidə Ümumdünya Boks Assosiasiyasının (WBA) versiyası üzrə qitələrarası çempion kəmərini və dünya çempionu tituluna rəsmi namizəd statusunu qoruyub saxlamışdır.
Kiyev İdman Sarayında keçirilmiş döyüşdə V.Uzelkov artıq 5-ci raundun axırında qələbə qazanmışdır. Növbəti dəfə nokdaun vəziyyətinə düşən T.Adamek qarşılaşmanı davam etdirməkdən imtina etmiş və hakim V.Uzelkovun texniki nokautla qələbə qazandığını qeydə almışdır.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
