UKRAYNA QAFQAZDAN OLAN QAÇQINLARI QƏBUL ETMƏYƏ HAZIRDIR
AZƏRTAC-ın xüsusi müxbiri Ukrayna KİV-lərinə istinadla xəbər verir ki, Ukrayna hökuməti Gürcüstanda baş vermiş silahlı münaqişə nəticəsində Qafqaz regionundan olan qaçqınları qəbul etməyə hazırdır.
Bu ölkənin Daxili İşlər Nazirliyi yanında vətəndaşlıq, immiqrasiya və fiziki şəxslərin qeydiyyatı işləri üzrə dövlət departamentinin direktor müavini Andrey Teslyuk bildirmişdir ki, Ukraynanın qaçqınların müvəqqəti yerləşdirilməsi üçün Odessa, Zakarpatye və Kiyev vilayətlərində üç məntəqə fəaliyyət göstərir.
Bundan əlavə, əgər çoxlu sayda qaçqın gələrsə, onlar həmin vilayətlərdə mehmanxana və yataqxanalarda yerləşdirilə bilər.
DİN-də hələ ki, Qafqazdan çoxlu sayda qaçqın gəlməsi barədə məlumat yoxdur.
Bölmənin digər xəbərləri
