Ukrayna XİN: Gələn həftə Ukrayna və Rusiya məhbusların növbəti dəfə dəyişdirilməsini nəzərdə tutur
Kiyev, 4 oktyabr, AZƏRTAC
Gələn həftə Ukrayna və Rusiya həbsdə olan vətəndaşların növbəti dəfə dəyişdirilməsini nəzərdə tutur. AZƏRTAC xəbər verir ki, bu barədə Ukraynanın Xarici İşlər naziri Vadim Pristayko “1+1” telekanalında məlumat verib.
Nazir budəfəki dəyişmənin daha genişmiqyaslı olacağını bildirib. "Biz Ukrayna və Rusiya vətəndaşlarının dəyişdirilməsi prosesini addım-addım davam etdiririk”, - deyə o əlavə edib.
Qeyd edək ki, sentyabrın 7-də Ukrayna ilə Rusiya arasında “35-ə 35” prinsipi ilə əsir və girovların dəyişdirilməsi prosesi baş tutub. ABŞ, Fransa, Almaniya və digər ölkələr əsirlərin dəyişdirilməsi prosesini alqışlayıblar və bunun münaqişənin həlli üçün başlanğıc addım olduğunu qeyd ediblər. Ukrayna Prezidenti Vladimir Zelenski bu prosesin davam etdiriləcəyini bəyan edib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
