Ukraynada silah haqqında qanunun layihəsi Ali Radaya təqdim edilib
Kiyev, 4 sentyabr, AZƏRTAC
“Silah haqqında” Ukrayna qanununun layihəsi Ali Radaya təqdim edilib. Layihədə silahlarla davranışın, onlardan istifadə edilməsinin, silah alınmasının, ölkəyə silah gətirilməsinin, silahların markalanmasının əsas prinsiplərinin, habelə silah üçün icazə alınması qaydasının müəyyən edilməsi nəzərdə tutulur. Qanuna görə silahların vahid reyestrinin yaradılması planlaşdırılır.
AZƏRTAC Ukrayna KİV-lərinə istinadla xəbər verir ki, bu sənəddə silah əldə edilməsi üçün xüsusi icazə alınması qaydası müəyyən edilir.
Qanun layihəsinin müəlliflərindən biri, Ali Radanın deputatı İqor Frisin sözlərinə görə, yeni qanun ölkədə gizli silah bazarı, gizli silah dövriyyəsi olmamasına yönəlib.
Rüstəm Məmmədli
Kiyev
Bölmənin digər xəbərləri
