UKRAYNANIN ƏMƏK VƏ SOSİAL SİYASƏT NAZİRLİYİNİN NÜMAYƏNDƏ HEYƏTİ DÖVLƏT SOSİAL MÜDAFİƏ FONDUNDA OLMUŞLAR
Fondun sədri Səlim Müslümov qonaqlara ölkələrimizin iqtisadi və sosial inkişafı barədə ətraflı məlumat vermişdir. O demişdir ki, Azərbaycan əhalisinin 67 faizi iş qabiliyyətlidir. Respublikamızda pensiya təminatı və sığorta sistemini təkmilləşdirmək məqsədi ilə fərdi uçot qaydası yaradılmışdır. Əmək pensiyalarının minimum məbləğinin baza hissəsi yaxın iki il ərzində 60 manata çatdırılacaqdır.
Səmimi qonaqpərvərlikdən razı qaldığını deyən Mixail Papiyev ölkənin pensiya siyasətindəki yenilikləri müsbət qarşılamış, bir çox məsələlərdə azərbaycanlı həmkarlarının təcrübəsinin öyrənilməsinə ehtiyac duyulduğunu vurğulamışdır. Həmçinin qonaq, Ukraynada yaşayan azərbaycanlıların sosial müdafiəsinin təmin olunduğunu və eynilə Azərbaycanda da ukraynalılara qarşı göstərilən yüksək dövlət qayğısından xəbərdar olduğunu diqqətə çatdırmışdır.
Görüşdə ölkəmizdə müvəqqəti yaşayan xarici vətəndaşların sosial sığortaya cəlb olunması, dövlət büdcəsində sığorta-pensiya gəlirlərinin rolu və digər məsələlər də müzakirə olunmuşdur.
Bölmənin digər xəbərləri
