Ukraynanın “Podrobnoski” nəşri: Azərbaycan Ermənistanın Dağlıq Qarabağdakı bazasını məhv etdiyini elan edib
Kiyev, 5 aprel, AZƏRTAC
Ukraynanın “Podrobnosti” internet nəşri öz saytında “RBK-Ukrayna”nın materialları əsasında “Azərbaycan Qarabağda Ermənistanın bazasını məhv etdiyini bəyan edib” sərlövhəli informasiya yayıb ( http://podrobnosti.ua/2099923-azerbajdzhan-zajavil-ob-unichtozhenii-bazy-armenii-v-karabahe.html).
Yazıda Azərbaycan Müdafiə Nazirliyinin mətbuat xidmətinə istinadla bildirilir ki, Azərbaycan Ermənistanın Dağlıq Qarabağda ən iri hərbi bazasını məhv etdiyini bəyan edib.
Hərbi baza Ağdərəyə gedən yolda yerləşir. Bundan əlavə, son iki gündə həlak olan Azərbaycan hərbçiləri, habelə düşmənin üç tankının sıradan çıxarılması haqqında məlumat verilir.
Ukrayna jurnalistləri öz oxucularına xatırladıblar ki, Azərbaycan Dağlıq Qarabağda atəşi dayandırmaq üçün şərtlərini açıqlayıb.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
