ÜMUMİ DAXİLİ MƏHSULUN HƏCMİ ÖTƏN İLLİN MÜVAFİQ DÖVRÜ İLƏ MÜQAYİSƏDƏ 9,5 FAİZ ARTMIŞDIR

23.09.2004 [12:48]
Çap et
A⁺ A^-

Cari ilin yanvar-avqust aylarında ümumi daxili məhsulun (ÜDM) həcmi ötən ilin müvafiq dövrü ilə müqayisədə 9,5 faiz artaraq 26 trilyon 230,2 milyard manat olmuşdur.

Milli Məclisin iqtisadi siyasət daimi komissiyasından AZƏRTAC-ın müxbirinə bildirmişlər ki, ÜDM-də sənayenin həcmi 37,8, kənd təsərrüfatının 9,5, tikintinin 12,8, sosial və digər xidmətlərin 14,2 faiz təşkil etmişdir. Digər sahələrdə də müəyyən artım olmuşdur. Artımda istehsalın həcmi isə 60,1 faiz təşkil etmişdir.

İlin sonuna qədər ÜDM-in 37,3 trilyon manata çatdırılması proqnozlaşdırılır ki, bu da 2003-cü illə müqayisədə 3,3 trilyon manat çoxdur.