Ümummilli lider Heydər Əliyevin 90 illik yubileyi ilə bağlı yaşıllaşdırma aksiyası keçirilmişdir
Bakı, 30 mart (AZƏRTAC). Martın 30-da ümummilli lider Heydər Əliyevin anadan olmasının 90 illik yubileyi ilə bağlı İqtisadi İnkişaf Nazirliyi tərəfindən Balaxanı Bərk Məişət Tullantılarının Zərərsizləşdirilməsi Poliqonu ərazisində yaşıllaşdırma aksiyası keçirilmişdir.
Nazirliyin mətbuat xidmətindən AZƏRTAC-a bildirmişlər ki, aksiya çərçivəsində İqtisadi İnkişaf Nazirliyinin əməkdaşları Bərk Məişət Tullantılarının Zərərsizləşdirilməsi Poliqonu ərazisində müxtəlif ağac və bəzək kolları əkmiş, ərazidə abadlıq işləri aparmışlar. Yaşıllaşdırma aksiyası çərçivəsində poliqon ərazisində ümumilikdə 1000-ə yaxın ağac və bəzək kolları əkilmişdir.
Balaxanı poliqonu ərazisində ekoloji tarazlığın bərpası məqsədi ilə İqtisadi İnkişaf Nazirliyinin və “Təmiz Şəhər” ASC-nin əməkdaşlarının iştirakı ilə mütəmadi olaraq yaşıllaşdırma aksiyaları keçirilir.
Bölmənin digər xəbərləri
