ELM VƏ TƏHSİL
UNEC proqramları FIBAA akkreditasiyasından keçib
Bakı, 6 dekabr, AZƏRTAC
Azərbaycan Dövlət İqtisad Universitetinin (UNEC) magistratura üzrə 3 ixtisas proqramı və 10 ixtisaslaşması - iqtisadiyyat (iqtisadi nəzəriyyə, iqtisadi siyasət, qiymətqoyma, ekonometrika, turizmin iqtisadiyyatı), maliyyə (bankçılıq, vergitutma, maliyyə nəzarəti, maliyyə bazarları), biznesin idarə edilməsi (biznesin təşkili və idarəedilməsi) - FIBAA-nın (Almaniya) beynəlxalq akkreditasiyasını qazanıb.
UNEC-dən AZƏRTAC-a verilən məlumata görə, FIBAA Akkreditasiya Sertifikasiya Şurasının Qərarı ilə akkreditasiya şərtsiz və 5 il müddətinə verilib.
FIBAA (Foundation for International Business Administration Accreditation) ali təhsilin akkreditasiyası və keyfiyyət ekspertizası üzrə beynəlxalq agentlikdir və Almaniyada yerləşir. FIBAA Almaniya, Avstriya, Hollandiya, Çin, Hindistan, Rusiya, ABŞ, İsveçrə, Rumıniya, Sloveniya və digər ölkələrdə1900-dən çox təhsil proqramlarını akkreditasiya edib.
Bölmənin digər xəbərləri
