“UNİBANK” KOMMERSİYA BANKI KREDİT PORTFELİNİN ARTIM SÜRƏTİ PROQNOZ GÖSTƏRİCİLƏRİNİ QABAQLAMIŞDIR
“UniBank”ın idarə heyətinin sədri Faiq Hüseynov demişdir: “Kredit fəaliyyəti istənilən bank biznesi inkişafının əsas istiqamətlərindən biridir. Bankın kredit portfelinin sürətlə artması düşünülmüş kredit siyasətinin uğurlu nəticəsidir”.
Bankın kredit portfelinin artım sürəti bütövlükdə ölkə üzrə orta göstəricidən çoxdur. Cari ilin 9 ayı ərzində “UniBank”ın kredit portfeli 70,5 faiz artmışdır ki, bu da ümumilikdə ölkə üzrə həmin göstəricidən (39,8 faiz) təxminən 2 dəfə çoxdur.
Ötən ilin üçüncü rübü ilə müqayisədə 2006-cı il oktyabrın 1-nə “UniBank”ın kredit portfeli 94,6 faiz artmışdır ki, bu da respublika üzrə kredit portfellərinin artım göstəricisindən 1,5 dəfədən çoxdur.
Bankın idarə heyətinin sədri demişdir: “Hazırda bizim bank etibarlı kreditor kimi etimad qazanmışdır. 2005-ci ilin yekunlarına görə “UniBank” ölkənin digər özəl bankları arasında ən böyük kredit portfelinə malik olmuşdur. Biz fəal kredit siyasətini indi də davam etdiririk”.
Bölmənin digər xəbərləri
