USAİD ZAQATALADA DAHA BİRİCMA LAYİHƏSİ HƏYATA KEÇİRİR
Maqov bələdiyyəsinin sədri Əsəd Qostiyev AZƏRTAC-ın müxbirinə bildirmişdir ki, layihənin həyata keçirilməsinə USAİD 5,1 min manat, yerli icma 2,6 min manat, kənd bələdiyyəsi və rayon icra hakimiyyəti isə birlikdə 900 manata yaxın vəsait ayırmışlar. Layihədə stadionda oturacaqların quraşdırılması, soyunub-geyinmə otağının tikintisi, meydançanın hamarlanması, habelə voleybol və basketbol meydançalarının salınması nəzərdə tutulur. İşlər noyabrın sonunadək başa çatdırılacaqdır.
Xatırladaq ki, ABŞ təşkilatlarının köməyi ilə bir müddət əvvəl Maqov kəndində yeni elektrik transformatoru da quraşdırılaraq istismara verilmişdir.
