Uşaq Filarmoniyası Ümummilli Liderə həsr olunmuş konsert təşkil edəcək
Bakı, 12 may, AZƏRTAC
Mayın 15-də Mədəniyyət Nazirliyinin dəstəyi ilə Azərbaycan Dövlət Uşaq Filarmoniyası 292 nömrəli tam orta məktəbdə “El bilir ki, sən mənimsən” adlı konsert proqramı təşkil edəcək.
Filarmoniyanın mətbuat xidmətindən AZƏRTAC-a verilən məlumata görə, Bakının Xəzər rayonunun Binə qəsəbəsində yerləşən məktəbdə keçiriləcək tədbir Azərbaycan xalqının Ümummilli Lideri Heydər Əliyevin 100 illiyinə həsr olunacaq.
Girişi sərbəst olan konsertdə Dövlət Uşaq Filarmoniyasının nəzdində fəaliyyət göstərən “Şəms” uşaq xoru, vokal sinfi, müxtəlif yaş qruplarından ibarət rəqs kollektivi, “Sədəf” xalq çalğı alətləri ansamblının solistləri maraqlı musiqi nömrələri ilə çıxış edəcəklər.
Bölmənin digər xəbərləri
