ÜZEYİR HACIBƏYOVUN OPERALARININ KLAVİR VARİANTI HAZIRLANIR
AZƏRTAC Üzeyir Hacıbəyovun ev-muzeyinin direktoru Sərdar Fərəcova istinadla xəbər verir ki, böyük bəstəkarımızın “Leyli və Məcnun”, “Koroğlu” operalarının klavir (fortopiano üçün) variantı hazırlanır. O bildirmişdir ki, hər iki operanın klavir variantı ilin sonunadək Mədəniyyət və Turizm Nazirliyinə təqdim olunacaq və çap ediləcəkdir.
Dövlət büdcəsindən ayrılan vəsait hesabına işıq üzü görəcək yeni nəşr musiqi məktəblərində tələbələrin Üzeyir Hacıbəyov yaradıcılığını daha dərindən öyrənməsinə əhəmiyyətli dərəcədə kömək edəcəkdir.
Yeni nəşrin nümunələri kitabxanalara da veriləcəkdir.
Bölmənin digər xəbərləri
