DÜNYA
VAŞİNQTON ANKARANI XƏBƏRDAR EDİR
ABŞ Türkiyədə hava quldurluğu aktları törədiləciyinin mümkünlüyü haqqında Ankaranı xəbərdar etmişdir.
İTAR-TASS-ın verdiyi xəbərə görə, naməlum terrorçuların mülki aviasiyaya qarşı terror əməli planlaşdırması barədə Vaşinqtonun məlumatı var. Ola bilsin ki, İstanbul hava limanından təyyarənin qaçırılmasına cəhd göstəriləcəkdir.
Türkiyə hökuməti lazımi təhlükəsizlik tədbirləri görülməsi üçün sərəncam vermişdir.
ABŞ-da tutulmuş siyahıda Üsamə ben Ladenin tərəfdarlarının terror törətmək niyyətində olduğu ölkələr arasında Türkiyənin də adı çəkilir. ABŞ xüsusi xidmət idarələrinin məlumatına görə, terrorçular kamikadzelərin olduğu təyyarələri İstanbuldakı məşhur Ayasofiya camesinə və Türkiyə ərazisindəki Amerika obyektlərinə çırpmaq niyyətindədirlər.