VAŞİNQTON TAYVANIN MÜSTƏQİLLİYİNİ DƏSTƏKLƏMİR
ABŞ-ın dövlət katibi Kolin Pauell Tayvan parlamentinin prezidentə adanın müstəqilliyi haqqında referendum keçirmək hüququ verilməsi haqqında qərarından sonra Pekinlə Taybey arasında münasibətlərin kəskinləşməsindən narahat deyildir. AZƏRTAC-ın Vaşinqtondan aldığı xəbərə görə, ABŞ xarici siyasət idarəsinin başçısı bunu dekabrın 5-də jurnalistlərlə görüşündə açıqlamışdır.
K.Pauell bildirmişdir ki, elə həmin gün o, Çinin xarici işlər naziri Li Çjaosinlə telefonla danışmış və onu ABŞ-ın “vahid Çin siyasəti”nə sadiq qaldığına əmin etmişdir. Dövlət katibi demişdir: “Biz Tayvanın müstəqilliyini dəstəkləmirik. Vaşinqtonun bu rəsmi mövqeyi Çin Xalq Respublikası Dövlət Şurasının sədri Ven Szyabaonun gələn həftə Birləşmiş Ştatlara səfəri zamanı təsdiq olunacaqdır”.
Bölmənin digər xəbərləri
