VATİKAN SƏDDAM HÜSEYN BARƏSİNDƏ ÖLÜM HÖKMÜNÜ PİSLƏMİŞDİR
AZƏRTAC Frans Press Agentliyinə istinadla xəbər verir ki, Vatikanın sülh və ədalət məhkəməsi departamentinin başçısı kardinal Renato Martinonun rəsmi bəyanatında deyilir: “Bir cinayətə görə başqa cinayətlə cəzalandırmaq qisas almaq üçün öldürmək deməkdir. Bu göstərir ki, biz hələ də “qisasa qisas, qana qan” prinsipinə əsaslanırıq”.
Vatikan nümayəndəsi demişdir ki, törətdiyi cinayətlərə görə insanı cəzalandırmağın çoxlu başqa növü var. Müasir sivil cəmiyyət çoxdan ölüm cəzasından imtina etməyə üstünlük vermişdir. Həyatı insana Allah verir və onu həyatdan yalnız Tanrının özü məhrum edə bilər.
Kardinal Hüseynin işinə Haaqa məhkəməsində baxılmadığına təəssüfləndiyini bildirmişdir, çünki bu məhkəmə insanlığa qarşı cinayətlərə görə ölüm hökmləri vermir.
İraq məhkəməsi insanlığa qarşı cinayətlərdə təqsirli bilinən Səddam Hüseyni dara çəkilməklə ölüm cəzasına məhkum etmişdir. İraq qanunvericiliyinə görə hökm ən geci 30 gündən sonra yerinə yetirilməlidir.
Bölmənin digər xəbərləri
