VENESUELADA HƏBSXANA QİYAMI AMANSIZCASINA YATIRILMIŞDIR
Sentyabrın 21-də gündüz başlanmış qiyamın yatırılmasına 200 milli qvardiyaçı göndərilmişdi. Onlar həm odlu silahdan, həm də əl qumbaralarından istifadə etmişlər. Gözətçinin silahını əlindən alan qiyamçılar qvardiyaçılara qızğın müqavimət göstərmişlər.
Ümumiyyətlə, Venesuelada həbsxana qiyamları tez-tez baş verir. Məhbuslar dözülməz şəraitdə saxlanılır. Bunu humanitar təşkilatlar da, yerli insan hüquqları mübarizləri də təsdiqləyirlər. Təkcə ötən il Venesuela həbsxanalarında 193 adam həlak olmuşdur. Özü də, ölüm hallarının əksəriyyəti məhbusların özləri – müxtəlif quldur qruplaşmalarının iştirakçıları arasında toqquşmalar nəticəsində baş vermişdir. 1997-ci ildə Venesuela həbsxanasında son 10 ildə ən qanlı qiyam olmuşdur. Yalnız rəsmi məlumata görə, onda 29 məhbus öldürülmüşdü.
