VERGİ DAXİLOLMALARI ÜZRƏ İYUL AYININ PROQNOZUNA 110,7 FAİZ ƏMƏL OLUNMUŞDUR
Vergilər Nazirliyinin ictimaiyyətlə əlaqələr şöbəsindən AZƏRTAC-a bildirmişlər ki, İqtisadi Təhlil və Uçotun Təşkili İdarəsinin ilkin məlumatına görə, cari ilin iyul ayında vergi ödəyiciləri tərəfindən dövlət büdcəsinə 444,1 milyard manat vəsait ödənilmişdir ki, bu da proqnozun 110,7 faiz yerinə yetirilməsi deməkdir. Ümumiyyətlə, 2004-cü ilin yanvar-iyul ayları ərzində vergi daxilolmaları üzrə proqnoz 106,1 faiz icra edilmiş və dövlət büdcəsinə 2 trilyon 684,5 milyard manat vəsait daxil olmuşdur. Ötən ilin müvafiq dövrü ilə müqayisədə vergilərin dövlət büdcəsinə ödənilməsi 487,6 milyard manat və ya 22,2 faiz artmışdır.
Bölmənin digər xəbərləri
