VƏTƏNDAŞLARA VERİLƏN KREDİTLƏRİN HƏCMİ XEYLİ ARTMIŞDIR
Milli Məclisin iqtisadi siyasət daimi komissiyasından AZƏRTAC-ın müxbirinə bildirmişlər ki, verilən kreditlərin 71,6 faizi qısamüddətli, 28,4 faizi isə uzunmüddətli kreditlər olmuşdur. Kreditlərin 42,8 faizi dövlət, 46,5 faizi özəl, 10,7 faizi isə qeyri-bank kredit təşkilatları tərəfindən verilmişdir. Ödənilmə vaxtı keçmiş kreditlərin məbləği 573,6 milyard manat olmuşdur ki, bu da ümumi kreditləşmənin 14,9 faizinə bərabərdir. Komissiyanın və müvafiq maliyyə qurumlarının hesablamalarına görə, kredit verilişinin həcmi ilin sonuna, eləcə də gələn ilin əvvəllərinə daha 20 faizə qədər artacağı proqnozlaşdırılır. Regionların sosial-iqtisadi inkişafına göstərilən dövlət qayğısı buna imkan yaradacaqdır.
Bölmənin digər xəbərləri
