VƏTƏNDAŞLARDAN NARKOTİK VASİTƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, həyata keçirilmiş əməliyyat tədbirləri nəticəsində Binəqədi Rayon Polis İdarəsinin əməkdaşları Biləcəri qəsəbə sakini Elşən Kərimovdan 0,247 qram, Rauf Axundovdan isə 0,225 qram heroin götürmüşlər.
Suraxanı Rayon Polis İdarəsinin 32-ci bölməsinin əməkdaşları Bakı şəhər sakini, əvvəllər məhkum olunmuş Tamerlan Cabbarovdan 0,261 qram, Cəlilabad Rayon Polis Şöbəsinin əməkdaşları rayon sakini Təvəkkül Əliyevdən 0,785 qram heroin, Balakən Rayon Polis Şöbəsinin əməkdaşları Hənifə kənd sakini Məhəmməd Qazıyevin evinə baxış zamanı 250 qram marixuana götürmüşlər.
Cəlilabad Rayon Polis Şöbəsinin əməkdaşlarının keçirdikləri əməliyyat tədbirləri nəticəsində rayon sakini Zakir Məmmədovdan 0,326 qram heroin götürülmüş, narkotik vasitəni ona satmış həmyerlisi Elsevər Quliyev tutulmuşdur. Onun üzərinə baxış zamanı 0,564 qram heroin aşkar edilərək götürülmüşdür.
Bütün faktlarla bağlı araşdırmalar aparılır.
Bölmənin digər xəbərləri
